ಸ್ವಲ್ಪ ಗಡಿಬಿಡಿ ನಿನಗೆ
ಎಂದು ದೂರು
ಊರ ಗಡಿ ದಾಟಿ ಬಂದ ಬಾಲ್ಯ
ಅರಿವಿದೆ ಗಡಿಯ ಬಗ್ಗೆ
ಗಡಿ ದಾಖಲೆಯಲ್ಲಿ- ಒಂದು ರೇಖೆ
ಆಚೊಂದು ಈಚೊಂದು
ಬೇರೆ ತೆರನಾದ ಹೆಸರಷ್ಟೇ
ಮತ್ತೆಲ್ಲ ಒಂದೇ ಸೂರ್ಯ ಅದೇ ಚಂದ್ರ
ಮೂಡು ಮುಳುಗು ಸಮಯ ಬದಲು
ಆಚಾರ ಸಂಸ್ಕೃತಿ ಆಹಾರ ಪದ್ಧತಿ
ಅಷ್ಟಿಷ್ಟು ಆಚೀಚೆ ತಲ್ಲಣವೆಂದರೆ ಅದೊಂದೇ
ಗಡಿಯ ಭೇದವಿಲ್ಲ
ಭಾವ ಬೇರೆಯಲ್ಲ ಭಾಷೆಯಂತೆ
ಹೌದು ಒಂದು ಗಡಿಯೊಳಗ ವಿಷಯ
ಬರೆಯ ಹೊರಟು ಅದರ ಗಡಿ ದಾಟಿದೆ
ಮನಸಿಗಾವ ಗಡಿ ರೇಖೆ ಎಳೆವ ಸಾಧನ
ಸೃಷ್ಟಿಯಲ್ಲುಂಟೇ?
ಅದು ಗಡಿಬಿಡಿಯಲ್ಲವೋ
ತೊರೆದ ಗಡಿಯ ಬಿಡದೇ
ಕಾಡುವ ನೆನಪ ಜೊತೆ
ಪ್ರಸ್ತುತದೊಟ್ಟಿಗಿನ ಸೆಣಸಾಟ
ಪಾಲಿಸಿದ ಅನಾಯಾಸ ಬೇಡದೇ
ಪಡೆದ ಶಾಪದ ವರವದು
ಬಹಳ ಹೆಚ್ಚೆನಿಸಿತೋ ಈ ಪ್ರವರ
ಇಲ್ಲಾ ಮೆಚ್ಚಿತೋ
(ಇಂದಿನ ಹೊಸದಿಗಂತದಲ್ಲಿ ಪ್ರಕಟವಾದ ಕವನ)
ಎಂದು ದೂರು
ಊರ ಗಡಿ ದಾಟಿ ಬಂದ ಬಾಲ್ಯ
ಅರಿವಿದೆ ಗಡಿಯ ಬಗ್ಗೆ
ಗಡಿ ದಾಖಲೆಯಲ್ಲಿ- ಒಂದು ರೇಖೆ
ಆಚೊಂದು ಈಚೊಂದು
ಬೇರೆ ತೆರನಾದ ಹೆಸರಷ್ಟೇ
ಮತ್ತೆಲ್ಲ ಒಂದೇ ಸೂರ್ಯ ಅದೇ ಚಂದ್ರ
ಮೂಡು ಮುಳುಗು ಸಮಯ ಬದಲು
ಆಚಾರ ಸಂಸ್ಕೃತಿ ಆಹಾರ ಪದ್ಧತಿ
ಅಷ್ಟಿಷ್ಟು ಆಚೀಚೆ ತಲ್ಲಣವೆಂದರೆ ಅದೊಂದೇ
ಗಡಿಯ ಭೇದವಿಲ್ಲ
ಭಾವ ಬೇರೆಯಲ್ಲ ಭಾಷೆಯಂತೆ
ಹೌದು ಒಂದು ಗಡಿಯೊಳಗ ವಿಷಯ
ಬರೆಯ ಹೊರಟು ಅದರ ಗಡಿ ದಾಟಿದೆ
ಮನಸಿಗಾವ ಗಡಿ ರೇಖೆ ಎಳೆವ ಸಾಧನ
ಸೃಷ್ಟಿಯಲ್ಲುಂಟೇ?
ಅದು ಗಡಿಬಿಡಿಯಲ್ಲವೋ
ತೊರೆದ ಗಡಿಯ ಬಿಡದೇ
ಕಾಡುವ ನೆನಪ ಜೊತೆ
ಪ್ರಸ್ತುತದೊಟ್ಟಿಗಿನ ಸೆಣಸಾಟ
ಪಾಲಿಸಿದ ಅನಾಯಾಸ ಬೇಡದೇ
ಪಡೆದ ಶಾಪದ ವರವದು
ಬಹಳ ಹೆಚ್ಚೆನಿಸಿತೋ ಈ ಪ್ರವರ
ಇಲ್ಲಾ ಮೆಚ್ಚಿತೋ
(ಇಂದಿನ ಹೊಸದಿಗಂತದಲ್ಲಿ ಪ್ರಕಟವಾದ ಕವನ)